كلمات مهرجان اندال اندال , يا صاحبي بالأمانه طلعت سد خانه احمد موزه

اغانى المهرجانات اصبحت لون شعبى الان منتشر في

مصر و لاقى نجاحا كبيرا يقوم بة مجموعة من الشباب او

دويتو بعبارات بسيطة و الحان صاخبة مهرجان اندال يغنيه

احمد موزه

 

يا صاحبى بالأمانه

 

طلعت سد خانه

 

وقفت ياما جمبك

 

وانت مصمم على النداله

 

لية مصر انك تخسرني

 

هوا انا زعلتك يبني

 

عمال تكحتنى فضهري

 

وبيوصلى يا ابو الرجاله

 

وانا اقولهم دا اخويا

 

براكو دا ابن ابويا

 

مع انى انا عارفك

 

قلبك اسود يلا

 

مدهون بالبويا

 

اكرهنى يا صاحبى براحتك

 

برضوا انت ادري بمصلحتك

 

بس انت هتعرف قيمتي

 

وهترجعلى و هبقي كشحتك

 

طب بركان عالأرض اتأسس

 

هيخش عليكو متلبس

 

هيدمر ايها خصم يقف قدامة يقع متجبس

 

على الدوغرى انا هضرب نووي

 

عالبعد مضادك حيوي

 

منا لما سلكت معاكوا

 

فجأة لقيت الكل اتقسم

 

عمرى ما قصرت معاكوا

 

ولا قليت يوم و ياكوا

 

بس انتوا الغل دا بان فوشوشكم

 

وانا مضطر انساكم

 

مفيكوش و لا سنتى رجوله

 

ازاى تبيعونى بسهوله

 

دا انتوا بتعملوا حركات

 

دا ميعملهاش عيل هلهوله

 

اندال اندال اندال

 

والله ما فيكم جدعان

 

بس اشهدلكوا رجالة كلكوا

 

لما بتحضر نسوان

 

طب بصوا الخطة الجايه

 

انا هشترى مركبة فضائيه

 

وهزامل فضائين

 

ما هو اصل صحابى مش صافية النيه

 

مش فاهم اية اللى بيحصل

 

ولا حاجة علي حالها بتفضل

 

من همى و غلبى بزود شربي

 

وكل دقائق انا بسكر

 

انا و الليل بقينا زمايل

 

واحرق اولع فسجاير

 

تعبان مخنوق مش عارف افوق

 

والاحزان فيا بتكتر

 

وحبيبتى اللى مفيش منها

 

دا انا ابيع الدنيا عشانها

 

هتأبد فيك يبنى انا هرازيك

 

ياللى تفكر تزاولها

 

اية يا حبه عويلة ما لكم

 

دى ضافرها يلا برقبتكم

 

مزتى حقها تدلع

 

وكمان تعمل اللى عاجبها

 

مع انها لاسعة شويه

 

بس دى عندى انا بالدنيا

 

ايوا بحبها و انا من اجلها

 

خصمت البنات التانيه

 

بعشقها لما بتتزرجن

 

لما تعيط بتعكنن

 

ما بنامش غير لما انكشها

 

وتنزعل منى اصالحها فثانيه

 

اخصامى نفسها فوقوعي

 

لا دا انتوا بقيتوا بتوعي

 

علنى بقولكوا انى هرنكوا

 

وعالدوغرى بقيتوا موضوعي

 

تخلعوا تيجوا بطريقتي

 

هتروحو فين من سيكينتي

 

هلاعبكم علشان اجيلكم

 

سكة هجيبكم تحتى فطوعي

 

ياللى سرحتوا بتفكيركم

 

إنى فيوم هاجى و احتاجكم

 

فعلا هحتاجكم و اجلكوا

 

لما تشوفوا حلمه و دانكوا

 

شكلكوا متعرفونيش

 

دا انا من ضفة مطاريش

 

من غيركوا هعيش و اتعامل

 

بس امانة لتبعدوا عينكوا

 

اسمع يبن الحصاله

 

انا اسمى لواحدوا حصانه

 

وكفاية انك بتذكر اسمى فشغلة تكون خلصانه

 

هوا دا كان مين يعرفكوا

 

علي حسى انتوا اتسيطتوا

 

انا شرفتكوا بس كرفتكوا

 

اصل انتوا عيال كفيان

 

 

عبارات مهرجان اندال اندال

يا صاحبى بالأمانة طلعت سد خانة احمد موزه

كلام مهرجانات اندال اندال

 



 


كلمات مهرجان اندال اندال , يا صاحبي بالأمانه طلعت سد خانه احمد موزه