لذه تبحث عنها, تطبيقى لبسبوسه بحب بلدي
لكل عشاق الحلويات الشرقيه و خاصه البسبوسه كيفية لعمل البسبوسه علي منهج بحب بلدى اللي جننت ستات مصر و الوطن العربي
المقادير:
كوب من دقيق السميد
كوب سكر ابيض
كوب جوز الهند مجروش
٣ بيضات متوسطين الحجم
علبه قشدة لو بلدى افضل
١/٢ كاس زيت نباتي
فانيلا السائله افضل
الشيره او الشربات:
كوب و نص سكر
كوب ماء فاتر
عصير نص ليمونة مقدار معلقة
يغلوا على النار ٨ دقائق
الحشو حسب الرغبه بس دي كيفية بحب بلدي
٢ كاس لبن
٢ معلقه كبيره سكر
٢ معلقي كبيره نشا
بيضه و سط
علبه قشده تانيه بلدى برده
كيفية الحشو:
نضع الحليب مع السكر على النار حتى الغليان
فى اناء احدث نخلط البيضه مع النشا مع شويه لبن صغيرين حتى يتجانس مع بعض و تذوب النشا
نضيفها للحليب المغلى و نضرب بالمضرب السلك اليدوى باستمرار مدة دقيقه و احده فقط
بمجرد ما تطلع فقاقيع يبقى نطفى النار و نحط عليها علبه القسده و كده تمام اوى
كيفية البسبوسة:
نخلط جميع المكونات الجافه زي الدقيق و السميد مع بعض بعدها نضيف باقى المكونات و نخلط بالمضرب السلك كويس جدا جدا بعدها تصب نصف الكميه في صينيه مدهونة سمنه بلدى و تدخل الفون لحد ما تحمر ثم تسقى بالشربات و هو ساخن (يعنى البسبوسه ساخنة و كمان الشربات)
ثم تزين حسب الرغبة(مكسرات او جوز الهند) نضع الشو و نصب باقى كميه البسبوسه و نسويها علي نار هاديه تحت الشوايه بس اولا نسيت اقولكوا على السر
انا بحط ملعقه كبيره سمن للشيره او الشربات عشان يديها لمعة حلوة
وكمان هاتلاحظوا ان الشيره في البسبوسه المحشيه مش بتشربه بسرعه عشان كده استنى عليها و حطى شويه بشوية
